ایسی صورتحال میں ، کسی فرد اور حکام کے لئے یہ فیصلہ کرنا مشکل ہوسکتا ہے کہ کتنی پابندی کرنی ہے اور کتنی نہیں ۔ خصوصا طویل عرصے تک انسان ان سے بیزار بھی ہو جاتا ہے ۔ اور اس کا اثر زندگی کی ضروریات پر پڑتا ہے۔

ہر وبائی 'لہر' کی سب سے بڑی وجہ یہی سمجھی جاتی ہے کہ کیسز کم ہوتے ہی لوگ گھلنے ملنے لگتے ہیں ، ماسک وغیرہ پہننا ترک کردیتے ہیں اور بازار وغیرہ کھل جاتے ہیں۔

پاکستان کے کچھ علاقوں میں ، کویوڈ کی نئی ورائٹی (strains) پھیلاؤ کی ایک اور بڑی وجہ ہیں ۔ دوسری اور تیسری لہر میں دیکھا گیا کہ کوویڈ کی شدت پہلے سے کم نہیں رہی ۔

کورونا کے بدترین شکار اب بھی بزرگ افراد اور دیگر بیماریوں میں مبتلا افراد ہی ہیں ۔ نوجوان اور صحتمند افراد اپنے قریبی لوگوں میں وائرس پھیلانے کا باعث بنتے رہیں گے ، کیونکہ بہت سے نوجوانوں میں اس کی علامات نہیں ہوتیں ۔

شادی بیاہ اور دیگر تقریبات ، ریستوران ، بازار ، شاپنگ مال ، اسکول ، جلسے جلوس ، عبادت گاہوں سمیت عوامی مقامات ممکنہ طور پر پھیلاؤ کے سب سے بڑے ذرائع ہیں ۔

کووڈ ویکسینیشن ابھی شروع ہی ہوئی ہے اور پاکستان کی ایک فیصد سے بھی کم آبادی نے ابھی تک ویکسین لگوائی ہے ، یہ مجموعی قوت مدافعت (herd immunity) حاصل ہونے سے بہت دور ہے جب کہا جاسکے کہ سب محفوظ ہیں ۔

تو عزیز دوستو ، ایسا لگتا ہے کہ کوویڈ ایس او پیز کو ترک کرنے اور خطرات کو ہلکا سمجھنے کا وقت ابھی نہیں آیا ۔

1. اگر ملازمتیں ، تجارت ، تعلیم ، سفر ، مذہبی مراسم وغیرہ جیسی زندگی کی ضروریات کو جاری رکھنا ہے تو ، ماسک اور دیگر SOPs کو اختیار رکھنا اگلے کئی مہینوں تک ضروری ہے ۔
2. ہر کسی کو خود جائزہ لینا چاہئے کہ جو بھی کرنا ہے کیا وہ اشد ضروری ہے ؟ اگر ہے تو اسے تمام احتیاط کے ساتھ کرنا چاہئے۔ ورنہ گریز کرے ۔
3. جب آپ کی باری آئے تو بلا تاخیر کووڈ کا حفاظتی ٹیکہ لگوائیں ۔ اس کی افادیت ، مختلف برانڈز کے انتخاب وغیرہ کے نہ ختم ہونے والے سوالات میں خود کو نہ الجھائیں ۔ اگر پہلے کوئڈ ہوچکا ہو تب بھی ویکسین لگوانی ضروری ہے۔

ویکسین کے سائیڈ ایفیکٹس کی غیر ضروری تشہیر ہوئی ہے ۔ قوی سائنسی شواہد ہیں کہ سائیڈ ایفیکٹس عشر عشیر ہیں ، بہت معمولی درجے کے ہیں اور فائدہ کہیں زیادہ ۔

4۔ سب سے اہم بات یہ ہے کہ اللہ سے اس کے رحم و کرم کے لئے دعا کریں ، جس کے بغیر انسان بے بس ہے۔

۲۰  مارچ

The post کوویڈ کی لہریں! appeared first on Dr.Sohail Akhtar.

حکومت کی طرف سے خاصی مناسب سہولیات مہیا کی گئی ہیں ۔ قیمت بھی ادا نہیں کرنی پڑتی ۔

طریقہ کار بہت آسان ہے ۔

1166 پر اپنا شناختی کارڈ نمبر میسیج کردیں ۔ وہاں سے ایک پیغام بمعہ کوڈ نمبر فوری موصول ہوجاتا ہے ۔ اس میسیج اور اپنے شناختی کارڈ کے ساتھ کسی بھی قریبی سینٹر میں جا کر ویکسین لگوالیں ۔

اگر آپ کے گھر اور احباب میں اس عمر کے افراد ہیں تو انہیں بھی یہی پیغام دیں ۔

اگر قائل نہیں ہیں ، یا ادھر ادھر کی باتیں سن کر شک میں ہیں تو سمجھا دیں ۔

وبا سامنے ہے ۔

بچاؤ کیلیے سہولت دستیاب ہے ۔

پھر دیر کیسی !

شفا اللہ کی طرف سے ہوتی ہے ، اپنے حصے کا کام تو کریں ۔

سائیڈ ایفیکٹس بہت کم لوگوں کو اور بہت معمولی دیکھے گئے ہیں ۔ بدن میں درد ، ہلکا بخار وغیرہ ۔

بڑی عمر کے لوگوں کو ، اور خاص طور پر دل کے ، شوگر کے اور بلڈ پریشر کے مریضوں کو تو اس ویکسین کی سب سے پہلے ضرورت ہے ، کیونکہ کورونا انہی کو زیادہ نقصان پہنچاتا ہے ۔

اگر پہلے کورونا ہو بھی چکا ہو تو بھی یہ ویکسین لگوانا چاہیے

The post کورونا کی ویکسین اگر ابھی تک نہیں لگوائی ، تو فوراً لگوالیں ۔ appeared first on Dr.Sohail Akhtar.

- کیا کورونا کی ویکسین سائیڈ ایفیکٹس سے سو فیصد محفوظ ہیں؟ جواب ہے : نہیں ۔

- کیا دیگر ویکسین اور دواؤں کے مقابلے میں کورونا کی ویکسین تحقیقاتی مراحل سے اسی رفتار سے گزری ہیں؟ جواب ہے : نہیں اور ہاں۔

- کیا ویکسین کورونا کا واحد حل ہے یا آخری حل ہے ؟ جواب ہے : نہیں ۔

تو پھر ویکسین پر اتنا زور کیوں ؟

کیا ہم سب ویکسین کے بغیر زندگی نہیں گزار سکتے ؟

ان سب سوالات کے جوابات اس مثال سے سمجھ میں آسکتے ہیں :۔

فرض کیجئے کہ آپ ایک سمندر میں تیر رہے ہیں (کشتی غرق ہو چکی) ، دور دور تک کوئی مدد کے آثار نہیں ۔ سامنے ایک لکڑی کا ٹوٹا پھوٹا تختہ نظر آتا ہے ۔ آپ کے پاس دو راستے ہیں ۔ ایک یہ کہ اسی پر سوار ہوجائیں ۔ یا یہ کہ کسی کشتی کے آسرے میں ایک انجانے بحرِ بیکراں میں تیرتے رہیں تاوقتیکہ تھک کر ڈوب جائیں یا کسی شارک کا لقمہ بن جائیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا اچانک نازل ہونے والی بالکل نئی بیماری ہے ۔ وبائے عام (pandemic) ہے ۔ اللہ کے فضل سے اس میں مبتلا اکثر افراد معمولی بخار کے بعد دس پندرہ روز میں ٹھیک ہو جاتے ہیں ۔ لیکن تقریباً دس فیصد میں مرض زیادہ شدت کا ہوتا ہے اور دو فیصد سے کم مریض موت کا شکار بھی ہو سکتے ہیں ۔

کسی بھی نئی بیماری کا علاج دریافت ہونے میں سالوں لگتے ہیں ۔ کورونا کے مسلمہ علاج کا انتظار کرنا جب ممکن ہوتا اگر چند ایک مریضوں سے سابقہ پڑتا ۔ یہاں تو غول کے غول ہسپتالوں میں امڈ آئے ، یہاں تک کہ ہسپتالوں کے دالانوں میں ان کو رکھنا پڑا ، علاج کرنے والے ڈاکٹرز اور نرسیں کم پڑ گئے یا خود بیمار پڑ گئے ۔ ایسے حالات میں ، ایک بالکل نئے وائرس سے نبٹنے کے لیے جو بھی علاج میسر آیا ، استعمال کیا گیا ۔

کورونا کے علاج میں استعمال ہونے والی اکثر ابتدائی دوائیں مثلاً hydroxychloroquine , azithromycin , plasma , وغیرہ اس سے ملتے جلتے دیگر امراض میں پہلے استعمال ہوچکی تھیں ۔ اسی لیے تیزی سے بڑھتے ہوئے ایک طوفان کو روکنے کی کوشش میں انہیں استعمال کیا گیا ، تحقیق کے طویل مراحل سے گذرے بغیر ۔ پھر وقت کے ساتھ ان میں سے بہت سوں کو فائیدہ مند لسٹ سے خارج بھی کرنا پڑا ۔

تحقیق کبھی جامد نہیں ہوتی ۔ انسانی ذہن بہتر سے بہتر کی تلاش میں ہمیشہ رہتا ہے ۔

وبائی امراض کی تاریخ یہی رہی ہے کہ ان کا بہترین علاج ان سے بچاؤ ہوتا ہے ۔ چنانچہ بہت سے ایسے امراض جن کے لیے بعد میں ادویات میسر آگئیں ، مثلاً ٹی بی ، کالی کھانس ، ٹیٹنس وغیرہ ، لیکن وبائی امکان کی وجہ سے ان کے حفاظتی ٹیکے ترک نہیں کیے گئے ۔

کووڈ کے ابتدائی وقت سے بھی میڈیکل سائنس کا فوکس ویکسین ہی رہا ۔ یہ ایک چومکھی لڑائی تھی جس میں ایک طرف تو عوام کو بچاؤ (SOPs) کی بھرپور ترغیب دلائی گئی ، دوسری طرف مریضوں کے علاج کی بہتر سے بہتر سہولیات جنگی بنیادوں پر مہیا کرنے کی کوششیں کی گئیں ۔ اس کے ساتھ ساتھ ویکسین کی تحقیق میں درجنوں اداروں نے عرق ریزی کی جو جاری ہے اور اگلے کئی سال شاید جاری رہے ۔

کسی وبا کے ختم ہونے یا بالکل ہلکا ہونے کا ایک امکان یہ ہوتا ہے کہ آبادی کی اکثریت میں اس کے خلاف مدافعت (immunity) پیدا ہو جائے ۔ لیکن ایسا ہونے تک کثیر اموات ہونے کا نقصان کوئی برداشت نہیں کرسکتا ۔

لامحالہ حفاظتی ٹیکے یا ویکسین ہی بڑے پیمانے کی مدافعت (herd immunity) کا سب سے موثر ذریعہ رہ جاتے ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب ان سوالات اور وسوسوں کی جانب آتے ہیں ۔

1 - کیا کورونا کی ویکسین کے بعد کورونا ہونے کے امکانات بالکل ختم ہو جاتے ہیں ؟ جواب ہے : نہیں ۔ کسی بھی دوا یا علاج کی افادیت سو فیصد نہیں ہوتی ۔ پھر بھی ہم علاج کرتے ہیں اسوقت دستیاب بہترین ذرائع میں سے ۔ چالیس پچاس سال پہلے بیماریوں کا جو علاج رائج تھا ، اگر بعد کی تحقیق کے نتیجے میں آج اس سے مختلف رائج ہے ، اس کا مطلب یہ نہیں کہ پہلے غلط علاج کیا گیا ۔ بلکہ یہ کہ ہر دور کی تحقیق و معلومات کے نتیجے میں جو بہترین راستہ میسر ہو ، اسے ہی اپنایا جاسکتا ہے ۔ وقت کے ساتھ اللہ نے بہتر راستے دکھائے تو علاج بھی تبدیل ہوئے ۔

اسی طرح کسی علاج کے لیے ایک دوا ، سو فیصد مریضوں کو فائیدہ نہیں دیتی ۔ یہ اللہ کی مشیت ہے ۔ اس کی وجہ بہت سے مختلف عوامل ہوتے ہیں جو کسی ایک دوا (یا ویکسین) کے فائدہ مند ہونے یا نہ ہونے میں کارفرما ہوسکتے ہیں ۔ کچھ کا علم ہوپاتا ہے ، کچھ کا نہیں ۔

2 - کیا کورونا کی ویکسین کے کوئی سائیڈ ایفیکٹس نہیں ہیں؟ جواب ہے : نہیں ۔ دنیا کی کوئی بھی دوا یا ویکسین مضر اثرات (سائیڈ ایفیکٹس) سے بالکل خالی نہیں ہے ۔ دواؤں کے عام استعمال کی اجازت دینے سے پہلے ادارے اس بات کا اطمینان کرتے ہیں کہ صرف ان ادویات کو اوکے کیا جائے جن کی ریسرچ کے دوران مضر اثرات نہ تو سیرئس نوعیت کے اور نا بڑی تعداد میں پائے گئے ہوں ۔

چنانچہ کورونا کی مختلف ویکسینز سے بھی معمولی نوعیت کے اثرات جیسے ہلکا بخار، جسم میں درد وغیرہ دیکھے گئے ہیں ۔ ظاہر ہے کہ ان کی وجہ سے ویکسین کے استعمال کو ترک کر دینا عقلمندی نہیں ہوگی کیونکہ ویکسین نا لگوانے سے کورونا کے نقصانات اس سے کہیں زیادہ ہوسکتے ہیں ۔

(چند ایک شدید نوعیت کے مضر اثرات کی رپورٹس سامنے آئی ہیں ، جس کی تحقیق جاری ہے ۔ البتہ ویکسین کی اکثریت بڑے سائیڈ ایفیکٹس سے محفوظ ہے)

3 - کیا دیگر ویکسین اور دواؤں کے مقابلے میں کورونا کی ویکسین تحقیقاتی مراحل سے مناسب رفتار سے گزری ہیں؟ جواب ہے : نہیں اور ہاں ۔

ایک طرف تو تحقیقاتی عمل ، جو دواؤں کی تیاری کے سلسلے میں کچھ سالوں میں مکمل ہوتا ہے ، کورونا کیلئے تیزی سے طے کیا گیا تاکہ ایک عالمی وبا کی روک تھام جلد ہوسکے ۔ دوسری طرف اس 'تیزی' میں معیار کیلئے ضروری تقاضوں کو درگزر نہیں کیا گیا جو کم از کم درکار ہوتی ہیں ۔

4 - کیا ویکسین کورونا کا واحد حل ہے یا آخری حل ہے ؟ جواب ہے : نہیں ۔ کووڈ کی بہتر سے بہتر ویکسین اور دوائیں ، جن سے اس کے نہ ہونے کے امکانات مزید کم ہوسکیں اور وہ بالکل محفوظ بھی ہو ، کی تلاش میں دنیا لگی ہوئی ہے ۔ البتہ اس سے بہتر کوئی علاج فی الحال میسر نہیں ۔

- اس کے علاوہ بہت سے دیگر سوالات ہیں ۔ مثلاً کووڈ وائرس کی نئی اقسام (strains) کا موجودہ ویکسین سے قابو میں آنا ۔

مختلف ویکسینز میں فایدہ کے تناسب کا فرق ۔

ویکسین کی عام دستیابی کیلئے سالوں کا انتظار اور وسائل ، وغیرہ ۔

عملی راستہ یہی نظر آتا ہے کہ جب تک اللہ کی ہدایت کے نتیجے میں انسانی ذہن اس سے بہتر راستہ تلاش نہیں کرلیتا ، موجودہ طریقہ یعنی ویکسین کو اپنایا جائے ۔

کچھ لوگوں میں ویکسین کے بعد کورونا ہونے کی وجہ یہ ہوسکتی ہے کہ انہوں نے بہت جلد احتیاط ترک کردی اس سے پہلے کہ مدافعتی نظام مضبوط ہوتا ۔ یا وہ ان پانچ ، دس فیصد افراد میں سے تھے جو ویکسین کے فوائد سے بہرحال محروم رہ جاتے ہیں ۔

یہ وائرس ایک سے دوسرے میں پھیلتا ہے ۔ انسانی فطرت پابندیوں کو زیادہ دیر تک برداشت نہیں کرسکتی ۔ معاشی و معاشرتی مجبوریاں انسان کو لامحالہ غیر محفوظ راستے کی طرف دھکیل دیتی ہیں ۔ اسلیے 'دنیا میں رہنے' اور محفوظ رہنے کیلئے موجودہ حالات میں ویکسین ہی مناسب راستہ محسوس ہوتا ہے ، حفاظتی ذرائع (ماسک وغیرہ) کو اختیار رکھنے کے ساتھ ، جب تک اس مرض کا موثر سدباب نہیں ہوجاتا ۔

ایک قابل توجہ بات یہ ہے کہ جب تک آبادی کی اکثریت ویکسین نہ لگوالے ، بڑے پیمانے کی مدافعت یا herd immunity حاصل ہونا مشکل ہے ۔ پاکستان میں اسوقت تک ویکسین لگوانے والے افراد کی تعداد ایک فیصد سے کم ہے ۔ معاشرے کو مجموعی فائیدہ ملنا جب ہی ممکن ہوگا جب کثیر تعداد میں افراد تمام شکوک وشبہات کو پس پشت ڈال کر اللہ کی اس دی گئی سہولت سے فیض یاب ہوں گے ۔

The post کیا کورونا کی ویکسین کے بعد کورونا ہونے کے امکانات بالکل ختم ہو جاتے ہیں ؟ appeared first on Dr.Sohail Akhtar.

اس پر ہرگز یقین نہیں کریں ۔

آکسیجن کی کمی صرف آکسیجن سے پوری کی جا سکتی ہے ۔

نیبولایئزر ایک مشین ہے جس میں کوئی دوا یا سیلائن saline ڈالی جائے تو وہ ہوا کے پریشر سے بخارات بن کر سانس کے ذریعے پھیپھڑوں میں جاتی ہے ۔ یہ عام طور پر دمہ اور سانس کے امراض میں خصوصاً شدید نوعیت کے کیسز میں استعمال ہوتی ہے ۔ البتہ ایسے وقت میں بھی آکسیجن ساتھ دی جاتی ہے (اگر اس کی کمی ہو ) ۔

اس ویڈیو میں نوجوان لہجہ سے پڑوسی ملک کا باشندہ لگتا ہے (ممکن ہے ) جہاں ان دنوں کورونا کی لہر لاکھوں لوگوں کو لپیٹ میں لی ہوئی ہے ، اور آکسیجن کی کمی اور ہسپتالوں میں جگہ نہ ہونے کی وجہ سے لوگوں کی بڑی تعداد میں اموات ہورہی ہیں ۔

کچھ لوگوں کا خیال ہے کہ شاید یہ نوجوان اپنی دانست میں ایسے پریشان لوگوں کو ایک موہوم سی امید دلا رہا ہے (کہ نیبولایئزر لے لو ، کم از کم ہوا میں موجود آکسیجن ہی پھیپھڑوں تک پہنچ جائے گی) یا لاعلم ہے یا کسی اور وجہ سے یہ پیغام دے رہا ہے ۔

اس کی نیت جو بھی ہو ، بہرحال ۔۔۔۔

اس سے ہرگز یہ مطلب نہیں لیا جائے کہ کورونا یا کسی بھی دوسرے مرض میں جب آکسیجن کی کمی ہو تو اسے خالی نیبولایئزر (جس میں دوا بھی کوئی نہیں ہے) کے استعمال سے پورا کیا جاسکتا ہے ۔

نہ اس سے یہ خوف ہونا چاہیے کہ ہر کورونا کے مریض کو یہ نوبت آتی ہے ۔

سمجھنے کی بات یہ ہے کہ کورونا کے سو مریضوں میں سے دس کو نمونیا ہوسکتا ہے جن میں سے کچھ کو آکسیجن کی کمی اور ہسپتال میں علاج کی ضرورت پیش آسکتی ہے ۔

اگر کسی شہر میں ایک وقت میں کورونا کے سو مریض ہوں تو ایسی شدت کے دس مریض ہی ہوسکتے ہیں جن کو طبی امداد ملنا نسبتاً آسان ہے ۔ البتہ جب عوام کی لاپرواہی کی وجہ سے ایک وقت میں کسی شہر میں ہزاروں مریض ہو جائیں ، تو ان کے دس فیصد کتنے ہوں گے ؟ اور اس علاقے کے ہسپتال اتنی بڑی تعداد کو داخل اور آکسیجن سمیت ادویات مہیا کرنے کی صلاحیت کب تک رکھ سکتے ہیں

The post ایک گمراہ کن ویڈیو آج کل سوشل میڈیا پر گردش کررہی ہے appeared first on Dr.Sohail Akhtar.

- کورونا کا کوئی وجود نہیں اور یہ مرض ایک بیکٹیریا کی وجہ سے ہوتا ہے ۔

- موت کی وجہ خون کا رگوں میں جم جانا ہے جو بیکٹیریا سے ہوتا ہے ۔

- عالمی ادارہ صحت WHO کی ہدایات تھیں کہ کورونا سے مرنے والوں کا پوسٹ مارٹم نہیں کیا جائے ، اور روس نے بڑے پیمانے پر اس کی خلاف ورزی کی ہے ۔

۔۔۔ ۔۔۔۔۔ ۔۔۔ ۔۔۔۔ ۔۔۔۔

رائیٹرز نے 15 اپریل 2021 کے ایک آرٹیکل https://www.reuters.com/.../factcheck-russia-covid... میں اس خبر کو من گھڑت قرار دیا ہے ۔ اور کہا ہے کہ

1 ۔ ڈبلیو ایچ او نے COVID-19 متاثرین کے لئے پوسٹ مارٹم کرنے کی ممانعت نہیں کی ۔ البتہ ستمبر 2020 میں ادارے نے کووڈ سے مرنے والے افراد کے پوسٹ مارٹم کے حفاظتی طریقہ کار کے بارے میں رہنمائی جاری کی تھی ۔

پوسٹ مارٹم روس سمیت بہت سے دیگر ممالک میں ایک عمومی طریقہ کار ہے جس سے موت کی وجہ متعین کرنے میں مدد ملتی ہے ۔

14 اپریل 2021 تک روس میں 104,000 افراد کی اموات کووڈ 19 سے ہونے کی تصدیق روسی وزارت صحت خود کر چکا ہے ۔

2 ۔ کورونا کی پیچیدگیوں میں رگوں میں خون کا جمنا thrombosis شامل ہے جس کا علم طبی ماہرین کو ایک سال سے ہے ۔ اسی وجہ سے کووڈ کے شدید بیمار افراد کو خون پتلا کرنے کی ادویات مثلاً heparin دی جاتی ہیں ۔ اس سے وائرس ہونے کی نفی نہیں ہوتی ، بلکہ کئی انفکشنز اور دیگر بیماریوں کی پیچیدگیوں کی وجہ تھرومبوسس ہوتا ہے ، یہ حقیقت سالوں سے میڈیکل سائنس میں مسلمہ ہے ۔

(ایسپرین اس کا اصل علاج نہیں جیسا کہ اس خبر میں کہا گیا ہے) ۔

3 ۔ کووڈ سے اموات کی وجہ محض تھرومبوسس نہیں ، مدافعتی نظام کی کمزوری سے نمونیا اور دوسرے secondary انفکشن ، ہارٹ اٹیک ، گردوں کا فیل ہوجانا ، وغیرہ شامل ہیں ۔ (ایسے پیچیدہ کیسز پانچ فیصد سے کم متاثر افراد ہی میں ہوتے ہیں) ۔

4 ۔ ایک اور غلط بات جو اس پوسٹ میں کہی گئی یہ ہے کہ بیکٹیریا کی وجہ سے اس بیماری کا علاج اینٹی بائیوٹکس سے با آسانی ہوجاتا ہے ۔ یہ بھی غلط ہے ۔

کووڈ سمیت دیگر وائرس انفکشن کا علاج اینٹی بائیوٹک ادویات سے کرنا غلط ہے (جبکہ اینٹی وائرل ادویات شدید نوعیت کے کچھ مریضوں میں فائدہ دے سکتی ہیں) . اینٹی بائیوٹک کا فایدہ صرف ان کیسز میں ہوسکتا ہے جن میں بیکٹیریا secondary انفکشن کرائیں ۔ بے دریغ استعمال سے اینٹی بائیوٹکس اصل بیکٹیریا کے انفکشن میں resistance یعنی بے اثر بھی ہوسکتی ہیں ۔

خلاصہ ۔

ایک سال سے زیادہ عرصے سے اس وبا میں مبتلا افراد کو اپنے دائیں بائیں ہر طرف دیکھنے اور کثیر تعداد میں اموات کے مشاہدے کے باوجود اگر کوئی اب بھی اس کا انکاری ہے تو افسوس کے علاوہ کیا کیا جاسکتا ہے ۔

گلہ عام لوگوں سے بھی کیا جاسکتا ہے جو ناواقفیت اور سادہ لوح ہونے کی وجہ سے منفی خبروں سے جلد اثر لے لیتے ہیں ۔

البتہ اس کے زیادہ قصور وار وہ افراد ہیں جو بے صبری یا سستی شہرت کی وجہ سے کسی غیر مصدقہ خبر کو پھیلانا اپنا فرض سمجھتے ہیں ، جس سے لاکھوں سادہ ذہن حقیقت سے انکاری ہو کر خود کو اور دیگر لوگوں کو نقصان پہنچا رہے ہیں ۔

کیا اس ملک میں کوئی ایسا ادارہ نہیں ، جو ایسے مسخروں کو چیک کرسکے ؟

مسلمانوں کو تو نبی آخر الزمان حضرت محمد صلی اللہ علیہ وسلم کی واضح ہدایت کو سامنے رکھنا چاہیے جس میں آپ نے اس شخص کو ایماندار نہیں قرار دیا جو ہر سنی سنائی بات کو آگے پھیلائے ۔

اللہ ہمیں ہدایت دے آمین ۔

ڈاکٹر سہیل اختر

The post کورونا کا کوئی وجود نہیں اور یہ مرض ایک بیکٹیریا کی وجہ سے ہوتا ہے ۔ appeared first on Dr.Sohail Akhtar.

1. a) safety of the participants b) data quality and integrity

1. a) All medicines go through comparative trials with medicines given to half and placebo (substance with no therapeutic effect) to the other half.

1. b) Vaccines were approved after their efficacy (chances of not getting COVID after the vaccine) and safety (chances of harm) were found to be satisfactory.

The post How could the COVID vaccine be developed so fast, whereas it takes much longer for other drugs or vaccines! appeared first on Dr.Sohail Akhtar.

یہ لابی ، ہر کچھ روز بعد عوام کے اذہان کے آلودگی لیول pollution levels کو اس مطلوبہ درجے سے کم نہیں ہونے دیتی کہ لوگ اطمینان قلب حاصل کر سکیں ، اور مروجہ طریقہ علاج و احتیاط کو اختیار کرکے وبا سے بچ سکیں ۔

آلودگی کے اس لیول کی برقراری کی خاطر ہر کچھ روز بعد ، کوئی نہ کوئی 'بریکنگ نیوز' مارکیٹ میں پھینکی جاتی رہتی ہے ، سوشل میڈیا کے ذریعے ۔

اس لابی کے افراد شاید گنتی کے ہوں ، لیکن عوام میں سے ، ہم سب ، نادانستہ ان کے معاون بن جاتے ہیں : ایسی پوسٹس یا خبریں شئیر کر کے ۔

ہمارے مشعلِ راہ ، نبی کریم صلی اللہ علیہ وسلم نے ایسے شخص کو جھوٹا قرار دیا جو ہر سنی سنائی بات کو بغیر تصدیق کیے دوسروں تک پہنچانے ۔

مجھ سمیت ہر مسلمان کے لئے سوچنے کا موقع ہے ۔ ہماری ایک شئیر کی ہوئی پوسٹ لاکھوں تک پہنچ سکتی ہے ۔ یوں ہم اس اینٹی ویکسین (یا ایسی کسی بھی) لابی کے معاون ہوسکتے ہیں ۔

"کورونا وائرس جھوٹ ہے" ، "ویکسین نقصان دہ ہیں" ، وغیرہ جیسی پوسٹس کمال ہے کہ اب بھی شئیر کی جا رہی ہیں جب ہر آنکھیں رکھنے والا اپنے اردگرد سینکڑوں ہزاروں کو اس میں مبتلا دیکھ چکا ، اکثر خود بھی بیمار ہوچکے ۔ پھر بھی !

بہت ضروری ہے کہ کسی خبر یا پوسٹ کو جو چونکا دینے والی ہو ، پہلے دیگر ذرائع سے تصدیق کر لیں ، اس شعبے کے کسی مستند ماہر سے معلوم کرلیں ۔ اور اگر اطمینان نہ ہو ، تو کم از کم دوسروں تک پہنچانے سے گریز کریں ۔

اپنے دل ہی سے پوچھ لیں

The post ایک منظم لابی ہے ، جو بہت مضبوط ہے اور اپنے کام سے بہت مخلص ۔ appeared first on Dr.Sohail Akhtar.

تاکہ دَمے کے علاج اور مریضوں کی دیکھ بھال کے لیے نہ صرف معلومات عام کی جائیں، بلکہ اُن پہلوؤں کی نشان دہی بھی ہو، جو مرض کی شدّت اور اخراجات میں اضافے کا باعث بنتے ہیں۔ دُنیا بَھر،بالخصوص ترقّی پذیر اور کم ترقّی یافتہ مُمالک میں اس مرض کی تشخیص اور علاج تک مساوی رسائی، تربیت یافتہ عملے کی عدم دست یابی، مریض، عام افراد اور طبّی عملے میں معلومات و آگاہی کا فقدان، طویل المدّتی علاج اور اس ضمن میں استعمال کیے جانے والے آلات کی نگرانی اور اس مرض سے متعلق مختلف توہمّات و خدشات سمیت کئی ایسے مسائل ہیں، جن کا مشاہدہ کیا جاتا ہے، لہٰذا ’’عالمی یومِ دَمہ‘‘ کے ذریعے ان تمام مسائل کی نشان دہی کے ساتھ ان کا حل بھی پیش کیا جاتا ہے، تاکہ مریضوں کو بہتر علاج مہیا کرنے کے ساتھ عوام النّاس کو مرض سے متعلق شعور و آگہی بھی فراہم کی جائے۔

دَمہ، سانس کی نالیوں میں سوزش کا مرض ہے، جو دُنیا بَھر، خصوصاً بچّوں میں عام ہے۔ دراصل اس مرض میں سانس کی نالیاں اس قدرحسّاس ہوجاتی ہیں کہ دھواں، مٹّی یا دیگر الرجنز سے(وہ چیزیں جو الرجی کا سبب بنتی ہیں) واسطہ پڑنے کے نتیجے میں کھانسی، سانس یا سینے میں گھٹن کی علامات ظاہر ہونے لگتی ہیں۔ بعض اوقات یہ علامات ازخود یا پھر مخصوص ادویہ کے استعمال سے چند روز میں ٹھیک بھی ہو جاتی ہیں، لیکن مرض وقفے وقفے سے حملہ آور ہوتا رہتا ہے۔ مرض کی خاص علامات میں سانس لیتے ہوئے سیٹی کی سی آواز آنا، سینے میں جکڑن محسوس ہونا اور بار بار کھانسی(جو لمبے عرصے تک رہتی ہے)شامل ہیں۔ ہر مریض میں یہ علامات مختلف بھی ہوسکتی ہیں۔ اگر کسی فرد کو کھانسی، نزلہ زکام رہتا ہو، اور سانس بھی پُھولتی ہو اور عام علاج سے افاقہ نہ ہورہا ہو، تو ماہرِ امراضِ سینہ سے رابطہ ضروری ہے۔

دَمہ جتنا عام مرض ہے، اس سے متعلق معاشرے میں مفروضات بھی اُتنے ہی عام ہیں، جب کہ بعض باتیں تو زبانِ زدِعام ہوکر نسلوں سے منتقل ہورہی ہیں، حالاں کہ ان کا حقیقت سے کوئی تعلق نہیں۔ پھر بعض افراد اپنے مشاہدات سے بھی کئی مفروضے گھڑلیتے ہیں۔ ضرورت اس امرکی ہے کہ مستند معالجین ان مفروضات کو رَد کریں یا ان کی تشریح کریں، جب کہ عام افراد پر بھی یہ ذمّے عائد ہوتی ہے کہ وہ بلا تحقیق کسی مفروضے یا مشاہدے کو زبانِ زدِ عام نہ کریں۔ آج کل سوشل میڈیا کا دَور ہے، لہٰذا ایسی پوسٹس یا ای میلز فارورڈ نہ کی جائیں، جو مستند ماہر معالج یا کسی تحقیقی ادارے کی جانب سے نہ ہوں۔بصورتِ دیگر نہ صرف ہم اس مفروضے سے متاثر ہوکر خود کو نقصان پہنچائیں گے، بلکہ جھوٹ پھیلانے کا سبب بھی بنیں گے۔

دَمے سے متعلق ہمارے معاشرے میں یہ تاثر پایا جاتا ہے کہ یہ ایک خطرناک بیماری ہے، جو درست نہیں۔ اصل میں زیادہ تر مریضوں میں دَمےکی علامات الرجی کی صُورت ظاہر ہوتی ہیں، جو سال میں چند روزیا وقفے وقفے سے مخصوص حالات میں مریض کو پریشان تو کرتی ہیں، لیکن علاج کے نتیجے میں آرام آجاتا ہے اور اکثر مریض اس کے بعد صحت مند زندگی گزارتے ہیں ۔ ہاں، یہ ضرور ہے کہ بعض مریضوں میں دَمے کا حملہ شدید ہوتا ہے اور انہیں اسپتال تک داخل کروانا پڑتا ہے، یہاں تک کہ وینٹی لیٹر کی بھی ضرورت پیش آ سکتی ہے، لیکن ایسے کیسز کی تعداد بہت کم ہے۔

ان میں زیادہ تر وہ کیسز شامل ہیں ،جن میں قدرتی طور پر مرض کی نوعیت شدید ہوتی ہے ۔ اکثر مریضوں میں مرض کے عدم کنٹرول کی وجہ درست علاج نہ ہونا ہے، جس کے نتیجے میں دَمے کا حملہ شدید ہوسکتا ہے۔ یہ بات بھی سمجھنی چاہیے کہ اگر کوئی فرد معمولی بیماری کا مناسب علاج نہ کروائے، تو مرض بتدریج شدید نوعیت اختیار کرلیتا ہے ۔ چناں چہ دَمے کے مرض سے خوف زدہ ہونے کے بجائے اس کے مناسب علاج پر توجّہ دی جائے، تاکہ معمولی مسئلہ بڑھ کر شدّت اختیار نہ کرسکے۔ ایک یہ مفروضہ بھی عام ہے کہ دَمہ چُھوت کا مرض ہے،جو ایک فرد سے دوسرے میں باآسانی منتقل ہو جاتا ہے۔ یاد رکھیں، دَمے کا عارضہ کوئی انفیکشن نہیں، جو کھانسنے، چھینکنے یا سانس لینے سے کسی دوسرے فرد میں منتقل ہو جائے، البتہ اگر کسی مریض کے حلق یا ناک میں جراثیم موجود ہوں، تو ہوسکتا ہے کہ وہ کھانستے ہوئے کسی دوسرے فرد میں منتقل ہوجائیں۔

متعدّد کیسز میں دَمے کا مرض موروثی بھی ہوتا ہے۔ یعنی ماں، باپ یا دونوں میں سے کسی ایک کو دَمے کا مرض لاحق ہو ،تو ان کے بعض بچّوں میں یہ مرض منتقل ہو جاتا ہے، البتہ ضروری نہیں کہ مرض کی شدّت ماں یا باپ جیسی ہی ہو۔ کسی بھی مرض کی منتقلی کا اختیار اللہ تعالیٰ کے سوا کسی کے پاس نہیں، اس لیے اس مرض کو چُھوت کی بیماری نہ سمجھا جائے۔ جن بچّوں کو دَمہ لاحق ہوتا ہے، ہمارے معاشرے میں اُن کے بارےمیں یہ خیال عام ہے (اور کچھ ڈاکٹرز بھی والدین کو بتاتے ہیں) کہ ’’جب بچّہ بارہ یا تیرہ سال کا ہو گا، تو مرض بھی ختم ہو جائے گا۔‘‘

اصل میں ایسا ہر کیس میں نہیں ہوتا۔ بعض اوقات سنِ بلوغت کی عُمرتک پہنچنے پر دَمے کی علامات بہت کم یا سِرے سے ختم ہو جاتی ہیں، لیکن ان میں سے متعدّد کیسز میں کئی برسوں بعد مرض کی علامات دوبارہ ظاہر ہونے لگتی ہیں، لہٰذا والدین کو چاہیے کہ اس بحث میں اُلجھنے کے بجائے کہ’’ دَمہ مکمل طور پرختم ہوگا یا نہیں‘‘ صرف علاج پر توجّہ دیں،تاکہ مرض کے اثرات بچّے پر کم سے کم مرتّب ہوں اور وہ ایک صحت مند زندگی گزار سکے۔ہر مریض کی خواہش ہوتی ہے کہ اس کا مرض ہمیشہ کے لیے ختم ہوجائے، یہ ایک فطری خواہش ہے۔

مگر چوں کہ یہ ایک قدرتی الرجی کی صُورت ہے اور اکثر افراد تاعُمر اس کا شکار رہتے ہیں، تو یہ سوچ کر کہ ’’کاش! کوئی ایسی دوا مل جائے، جو مرض کا جڑ سے خاتمہ کردے ‘‘خود کو ہلکان نہ کریں، بلکہ اس امر پر توجّہ دی جائے کہ درست علاج کے بعد نارمل زندگی کیسے گزاری جائے، جو کہ اکثر مریض باآسانی گزارسکتے ہیں (ویسے مستقبل میں ایسا ممکن ہو تو کوئی بعید نہیں، لیکن تاحال اس مرض کے جڑ سے خاتمے کا کوئی علاج دستیاب نہیں)۔

ایک اور مفروضہ کہ دَمے کے علاج میں استعمال کی جانے والی ادویہ، خاص طور پر اِن ہیلر یا پمپ مضرِ صحت ہیں یا ان کی عادت پڑ جاتی ہے،بالکل ہی غلط ہے۔ یاد رکھیے، عادت اُن چیزوں کی پڑتی ہے، جو نشہ آور ہوں اور دَمے کے علاج میں استعمال کی جانے والی کوئی بھی دوا نشہ آور نہیں۔ جن افراد میں دَمہ دائمی ہو (تقریباً روز کی شکایت)، یعنی موسمی نہیں، تو انہیں روزانہ کی بنیاد پر (کبھی کبھی ساری زندگی بھی) کوئی نہ کوئی دوا استعمال کرنے کی ضرورت پڑتی ہے۔ جو علاج کی ضرورت ہے، عادت نہیں۔ بالکل اسی طرح جیسے ذیا بطیس، بلڈپریشر یا عارضۂ قلب کے شکار مریض روزانہ دوا استعمال کرتے ہیں، تاکہ مرض کنٹرول میں رہے اور صحت بھی برقرار رکھی جاسکے۔

اسی طرح دَمے کے متعدّد مریضوں کوعلاج کاکوئی نہ کوئی طریقہ مستقل بنیادوں پراختیار کرنا پڑتا ہے۔ اکثر ماہر ڈاکٹرز دُنیا کے بڑے تحقیقاتی اداروں کی شایع کردہ گائیڈ لائینز کی روشنی میں طویل عرصے تک استعمال کرنے کے لیے اِن ہیلر یا پمپ تجویز کرتے ہیں، کیوں کہ ان کے اندر ادویہ کی مقدار انتہائی قلیل ہوتی ہے، جو براہِ راست پھیپھڑوں تک پہنچ کر فوری افاقے کا باعث بنتی ہے، جب کہ اِن ہیلرز کے فوائد کی نسبت، مضر اثرات بھی نہ ہونے کے برابر ہیں۔

دَمے کے علاج کے ضمن میں کارٹی سون یا اسٹرائیڈز ایک کلیدی اہمیت رکھتے ہیں، کیوں کہ دَمہ سوزش کاعارضہ ہے اور سوزش کا تدارک Anti inflammatory ادویہ ہی کے ذریعے کیا جاسکتا ہے۔ ان ادویہ میں سرِ فہرست اسٹرائیڈز ہیں۔ اسٹیرائیڈز کے حوالے سے بھی خاصے شکوک وشبہات عام ہیں۔یہ بات درست ہے کہ ان ادویہ کے ذیلی اثرات ہوتے ہیں، لیکن جیسے ایک چُھری کا مناسب استعمال انسان کے کام بھی آ سکتا ہے اور اس کا بے دریغ استعمال نقصان دہ بھی ثابت ہو سکتا ہے۔

اسی طرح اگر کارٹی سون ادویہ ڈاکٹر کی ہدایت کے بغیر بلا ضرورت(گولیوں کی شکل میں)طویل عرصے تک استعمال کی جائیں،تو یقیناً اس کے ضمنی اثرات ظاہر ہوں گے۔ البتہ اِن ہیلر کی صُورت میں کارٹی سون انتہائی مفید ہے کہ اس کے مضر اثرات نہ ہونے کے برابر ہیں۔ دَمے سے متعلقہ مفروضات میں ایک مفروضہ غذائی پرہیز کا بھی ہے۔ ہمارے مُلک میں تقریبا ہر بیماری کے ساتھ غذائی پرہیز ضروری سمجھا جاتا ہے۔ ایسا کچھ بیماریوں مثلاً بلڈ پریشر، ذیابطیس، پیٹ کے امراض میں تو ضروری ہوسکتا ہے، لیکن دَمے میں نہیں۔

اس کے عوامل میں کھانے پینے کی اشیاء کا کردار نہ ہونے کے برابر ہے۔ اس لیے غذائی پرہیز غیر ضروری ہی نہیں، صحت کے لیے نقصان دہ بھی ثابت ہوتا ہے۔ ہمارے یہاں ہر طرح کی کھانسی اور سانس کے عارضے میں مبتلا مریضوں کو چاول، ٹھنڈے پانی یا مشروبات، کھٹی چیزوں، مختلف پھلوں، دہی اور دودھ وغیرہ سے پرہیز کروایا جاتا ہے، مگر تحقیق یہ بتاتی ہے کہ انتہائی کم تعداد میں شاید کچھ افراد ان غذائی اجزأ میں سے کسی ایک سے الرجک ہوں، لیکن 99فی صد سے زائد دَمے کے مریضوں کو کھانے یا پینے کی کسی بھی قسم کی اشیاء سے الرجی نہیں ہوتی۔

چناں چہ دَمے کے مریضوں کو تمام صحت بخش، مفید اشیاء اپنے غذائی شیڈول میں شامل رکھنی چاہئیں۔ دودھ، دہی، سبزی پھلوں کا استعمال صحت کے لیےمفید ہے،البتہ انہیں استعمال نہ کرنے کے نتیجے میں جسم میں اہم اجزاء مثلاً کیلشیم، وٹامنز وغیرہ کی کمی واقع ہوجاتی ہے، خصوصاً بچّوں میں اچھی اور متوازن خوراک جسمانی اور ذہنی نشوونما میں مؤثر ثابت ہوتی ہے،لہٰذا دَمے کے شکار مریض خواہ بچّے ہوں یا بڑے تمام صحت بخش اشیاء کا استعمال جاری رکھیں۔ اگر شبہ ہو کہ کسی خاص چیز سے مرض شدّت اختیار کرتا ہے، تو معالج سے مشورہ کرلیں، وگرنہ خود ساختہ احتیاط نہ کریں۔عموماً کہا جاتا ہے کہ اس مرض کے شکار مریضوں کو بھاگ دوڑ یا ورزش نہیں کرنی چاہیے ۔

اگرچہ یہ درست ہے کہ خاص طور پر دَمے کے حملے کے وقت یا اگربیماری کی نوعیت شدید ہو، تو سیڑھیاں چڑھنے یا دیگر محنت کے کام کرنے سے سانس زیادہ پُھولتی اور مرض بڑھتا ہے، لیکن اس کا یہ مطلب ہرگز نہیں کہ عام دِنوں میں بھی مریض ورزش نہ کرے، بچّےوں کو کھیلنے کودنے سے روکا جائے یا تیراکی یا دیگر کھیل نہ کھیلنے دئیے۔ بعض مریض، جنہیں ورزش یا بھاگ دوڑ کے بعد سانس پھولنے یا کھانسی کی شکایت ہو، انہیں چاہیے کہ فوری آرام پہنچانے والے Bronchodilators اِن ہیلر ورزش سے پندرہ منٹ یا آدھا گھنٹہ قبل استعمال کرلیں، تاکہ دورانِ ورزش سانس کا مسئلہ نہ ہو۔

دیگر کئی امراض کی طرح دَمے سے متعلق بھی متعدّد مفروضات و توہمّات عام ہیں، جن پر تحقیق کے بغیر یقین کرنا یا آگے بڑھانا مناسب نہیں۔ اگر کسی مفروضے سے متعلق شبہ ہو تو فوری کسی مستند معالج سے رائے لیں۔ درج بالا بیان کردہ تشریحات سمجھیں اور خود کو غیر ضروری مشکلات سے بچاتے ہوئے دَمے کے علاج پر توجّہ دیں۔یاد رکھیے، اگر مستند اور ماہر معالج کی ہدایت کے مطابق ادویہ استعمال کی جائیں، تو دَمے کا تقریباً ہر مریض ایک صحت مند زندگی گزار سکتا ہے۔ (مضمون نگار،انڈس اسپتال اینڈ ہیلتھ نیٹ ورک، کراچی کے شعبہ چیسٹ میڈیسن کے سربراہ ہیں اور بطورپروفیسر بھی خدمات انجام دے رہے ہیں۔ نیز، پاکستان اسلامک میڈیکل ایسوسی ایشن (پیما) کے مرکزی صدر بھی رہ چُکے ہیں)

The post دَمہ: مفروضات، غلط تصورات کی بیخ کنی ناگزیر appeared first on Dr.Sohail Akhtar.

ان سے ان دنوں کے واقعات سننے کی ضرورت ہے .

کتابوں میں بہت مواد موجود ہے لیکن first hand information یا آنکھوں دیکھا حال , جو اثر چھوڑتا ہے, وہ دیرپا ہوتا ہے.

میرے والد اگست 1947 میں بارہ سال کی عمر کے تھے . کئی بار ان سے وہ حالات سنے .

دہلی سے اپنے گھر کو کنڈی لگا کر پورا خاندان نکلا , لاشوں کو پھلانگتے ہوئے اور ٹرکوں میں بھر کے یا چھپ کر دوسرے علاقے کی ایک حویلی میں دوسرے مسلمانوں کے ساتھ جان بچانے کو ٹہرے . پھر دادا نے اورئئنٹ ائیر ویز کے ایک طیارے میں تیس بتیس افراد کیلئے ٹکٹ لیں, جانا کراچی چاہتے تھے , جہاں کچھ رشتے دار مقیم تھے , لیکن ٹکٹ رسالپور کے ہی دستیاب تھے . چنانچہ رسالپور , پھر پشاور پہنچے. دادا کاروبار کے سلسلے میں ہندو پاک میں سفر کا تجربہ رکھتے تھے. ایک واقف نے اپنا گھر پیش کیا . اتنی مہمان نوازی کی کہ دادا کے والد نے دو دن بعد کہا کہ یہاں سے چلو , ہم ان کی عنایات کے تلے دب گئے ہیں .

ایک بس میں خاندان راولپنڈی پہنچا. Custodian دفتر سے ایک خالی فلیٹ میں رہنے کا کاغذ پکڑا. ( یہ وہ گھر تھے جو ہندو اپنی ہجرت کے وقت خالی کر گئے تھے ) . بالٹی میں دال چاول پکائی گئی . دادی نے انڈے ابال کر دیے جو میرے والد نے صدر بازار راولپنڈی میں کچھ روز فروخت کئے. کچھ روز کیلئے دادا واپس دہلی گئے اور جہاں کام کرتے تھے , ان کے خاندان کو پاکستان شفٹ کیا. پھر اپنے خاندان کے ساتھ راولپنڈی سے کراچی منتقل ہوئے.

نہ ختم ہونے والے واقعات ہیں . ہم میں سے جن کے اوپر اس جنریشن کے بزرگوں کا سایہ موجود ہے , ضرور اس وقت کی باتیں سنیں , یاد رکھیں اور اپنے بچوں کو سنائیں . تاکہ اس ملک کی قدر ہمیں محسوس ہو . جن قربانیوں کے ساتھ ایک قوم ایک نئے خطہ ارضی کیلئے دربدر ہوئی, ان کو یاد رکھیں

The post پاکستان کا اک مقصد تھا ۔ مقصد پاکستان نہیں تھا ۔ appeared first on Dr.Sohail Akhtar.